I juni 2013 reiste heile NCS på leirskule til Mombasa 🙂 Det blei ei fantastisk flott veke!
Me budde i eit hytte-kompleks nesten heilt nede på stranda, litt sør for Diani Beach.
I juni er det «vinter» i Kenya, men me var heldige og fekk berre nokre få dagar med regn 😉 Stranda var langgrunn og hadde deilig, mjuk sand og det kom mange bølger inn til der me bada.
Me tok utflukter dei fleste dagane. Ein dag besøkte me Kaya Kinondo, ein heilag skog for ein av dei gamle afrikanske religionane.
Skogen har fleire hundre år gamle tre, og nokre ildsjeler bruker mykje tid på å bevara den flotte skogen. Me kunne også sjå korallar på bakken, fordi det for lang tid tilbake var sjøbotn her.
Ein annan dag reiste me inn til Mombasa by. Då tok me ferja over frå sørsida. Først fekk me omvisning på Fort Jesus. Deretter gjekk me ein runde i gamlebyen. Kjempespennande opplevelsar.
Enno ein annan dag besøkte me ein barneskule i landsbyen Msambweni. Det var utrulig kjekt å få møta dei blide og imøtekommande ungane 🙂
Me fekk vera med på leikane deira.
Etterpå såg me på prosessen det er å laga cashewnøtter.
Ein lang prosess, med godt resultat 🙂
Me hadde også ein dag på eit fint hotell der me bada i eit langt basseng med mange sklier! Her var det også mange som prøvde vindsurfing.
Om kveldane hadde me koselege samlingar, og alle var einige om at det var ein flott og opplevelsesrik tur! Ein fin måte og avslutta skuleåret på!
Hei vi Rygge tenker på dere!
Takk for at dere tenker på oss, og takk for hilsen!!